Fyrsta skrefið er að bóka tíma hjá gullsmiði til þess að ræða hugmyndir og óskir.

Við hönnum og smíðum skartgripi frá grunni eftir óskum viðskiptavina. Ferlið getur hafist á hugmynd, teikningu eða fyrirmynd.

Sérsmíði á við um nýsmíði skartgripa og endursmíði eldri gripa. Hægt er að nýta eldri skartgripi sem efnivið í nýjan. Það eru nefnilega ansi margir sem eiga bæði gull og silfur ofan í skúffu. Auðvelt er að bræða upp eða jafnvel breyta lítillega, gamalt gull og demantar öðlast því í raun nýtt líf.

Það er í raun allt í boði og okkur finnst einstaklega skemmtilegt að taka þátt í hvers konar sérsmíði og hönnun með viðskiptavinum okkar.

Þegar keyptur er hringur frá okkur þá er ein stærðarbreyting innifalin á hringnum,  innan mánaðar frá afhendingu á hringnum. Ef þarf að stækka eða minnka hringinn aftur þá er gjald tekið fyrir, upphæð fer eftir umfangi. Við tökum að okkur að stærðarbreyta öllum hringum úr eðalmálmum hvort sem þeir eru frá okkur eða öðrum. 

Við seljum hreinsiefni og klúta til þess að þú getir hreinsað skartgripinn þinn heima.  
Stundum þurfa skartgripir extra ást, þá er gott að koma með þá til okkar. Við tökum þá skartgripinn inn á verkstæðið okkar og förum vel yfir hann með okkar bestu tækjum. Kostnaður fer eftir umfangi verkefnisins en er ákvarðaður fyrirfram. 

 Nauðsynlegt er að viðhalda skartgripum til þess að þeir haldi sér vel - bæði varðandi áferð þeirra og ásýnd. Óhreinindi og rispur myndast auðveldlega við hversdagslega notkun, sem er eðlilegt.

Við yfirförum skartgripi með tilliti til gæða, öryggis og ástands. Gullsmiðir okkar fara vel yfir ástand steinafestinga, læsinga, samskeyta og slitfletir yfirfarnir. Við veitum ráðgjöf um nauðsynlegar viðgerðir eða fyrirbyggjandi aðgerðir. Á verkstæðinu okkar vinna gullsmiðir sem hafa áralanga reynslu í ástandsskoðun og viðgerðum skartgripa.

Við gerum við alla skartgripi hvort sem þeir eru frá okkur eða öðrum svo lengi sem þeir eru úr eðalmálmum (Stál er ekki eðalmálmur). 

Við gerum við skartgripi sem hafa skemmst eða slitnað með tímanum. Þar má nefna brotnar eða slitnar keðjur, lausar festingar, slitnar læsingar, ef steinar detta úr en hér má lengi telja.   

Við vinnum allar viðgerðir af metnaði og í góðu sambandi við viðskiptavininn um hvað best sé að gera. Oft eru fleiri en ein leið í boði og mikilvægt er að upplýsa viðskiptavininn vel.

Viðgerðir eru af ýmsum toga og er því tími og kostnaður mjög mismunandi eftir verkefnum. Við upplýsum alltaf viðskiptavini um verklýsingu og kostnað áður en hafist er handa. 

Rhodiumhúð er rafhúð sem er á silfri og  hvítagulli - rhodiumhúðin er slitsterk en ekki eilíf og sama er með gyllinguna. Gyllingin er vissulega 18kt gull, þykk og fín en ekki gull í gegn. Gylling gerir þér kleift að kaupa skartgripi með fallegum gulllit á lægra verði en gull.  Skartgripi úr eðalmálmum er hægt að endurgylla (Gildir ekki um stálskartgripi). 

Á verkstæðinu okkar erum við með fullkomin rafhúðunartæki og sinnum við öllum skartgripum. 

Við setjum öll form demanta, eðalsteina og aðrar gerðir steina í skartgripi. Hægt er að koma með stein/demant eða kaupa hann hjá okkur. Einnig sinnum við viðgerðum á skartgripum þar sem steinar hafa dottið úr vegna þess að festingarnar eru eyddar eða hafa orðið fyrir höggi eða öðru hnjaski.   

Gamalt gull og eldri skartgripir geta fengið nýtt líf. Við endursmíðum skartgripi og getum í mörgum tilfellum nýtt gull, demanta og aðra steina úr eldri gripum við gerð nýs skartgrips.

Það getur til dæmis verið erfðagripur, gamall giftingarhringur eða skartgripir sem hafa legið ónotaðir árum saman. Í samráði við gullsmið skoðum við hvað hægt er að nýta og hvernig hægt er að skapa nýjan grip með persónulegt gildi.

Sjá meira um endursmíði úr gömlu gulli

Áttu gamalt gull eða skartgripi sem þú notar ekki lengur? Á gullsmíðaverkstæði BY•L tökum við gull til mats og kaupum gamalt gull af einstaklingum.

Þú getur komið með gamla skartgripi, brotið eða slitið gull og aðra gullgripi til okkar í Silfursmára 8 í Kópavogi. Gullið er metið hjá okkur og kaupverð ræðst af magni, hreinleika og verðmæti gullsins hverju sinni.

Ef gripirnir hafa persónulegt gildi eða þú vilt halda í gullið er einnig hægt að skoða hvort hægt sé að nýta gamla gullið í nýjan skartgrip. Gullsmiðir okkar geta farið yfir möguleikana með þér og metið hvort endursmíði henti.

Viðskiptin fara ekki fram samdægurs þar sem gullið þarf fyrst að fara í mat.