BY•L SKARTGRIPIR

BY•L er íslenskt skartgripamerki, stofnað árið 2013 af Lovísu Halldórsd. Olesen gullsmið & hönnuði ásamt  eiginmanni hennar, Þorsteini Jónssyni.

Skartgripirnir eru hannaðir af Lovísu og margir handsmíðaðir á verkstæði BY•L í Silfursmáranum. Áhersla er á vandaða hönnun, gott handverk og tímalaust útlit.

Skartgripir BY•L eru unnir úr silfri og gulli og í mörgum skartgripalínum eru notaðir demantar, perlur og eðalsteinar.

Verslun og gullsmíðaverkstæði BY•L er að Silfursmára 8 í Kópavogi. Úrvalið má einnig finna í netverslun okkar byl.is.

Fyrsta verslunin var lítil kósý verslun í bílskúrnum heima á Garðaflötinni en árið 2021 flutti búðin og verkstæðið í Vinastræti í Garðabæ.   

Haustið 2024 var aftur flutt, glæsileg verslun og verkstæði opnaði við Silfursmára 8 í Kópavogi og um leið breyttist merki og nafn fyrirtækisins í BY•L skartgripir.  

Markmið BY•L er að skapa skartgripi sem sameina nútímalega hönnun og íslenskt handverk, þar sem gæði, fagmennska og persónuleg þjónusta eru í fyrirrúmi.

Lovísa byrjaði í samningi í faginu árið 2004 og lauk sveinsprófi í gull- og silfursmíði frá Iðnskólanum í Reykjavík árið 2007 og meistararéttindum í kjölfarið. Áður hafði hún lokið stúdentsprófi af listasviði Fjölbrautaskólans í Garðabæ árið 2002.

Lovísa er hönnuðurinn á bak við skartgripi BY•L og vinnur jafnframt sem gullsmiður á verkstæði fyrirtækisins. Þar tengjast hönnun og handverk saman, allt frá fyrstu hugmynd og teikningu að fullunnum skartgrip.

Í hönnun sinni sækir Lovísa meðal annars innblástur í hversdagslífið og blandar saman klassískum og nýjum straumum. Línur, form og fjölbreytileiki einkenna hönnun hennar og hver skartgripalína ber sinn svip.

Í Silfursmára 8, á bakvið verslun BY•L er gullsmíðaverkstæði fyrirtækisins. Þar starfa gullsmiðirnir Lovísa Halldórsd. Olesen og Páll Sveinsson, sem bæði hafa áratugareynslu í faginu.

Á verkstæðinu fer fram hönnun og smíði skartgripa ásamt sérsmíði, viðgerðum, breytingum, steinaísetningum, handgreftri, steypuvinnu og endursmíði úr gömlu gulli. Áhersla er lögð á vandað handverk, nákvæmni og persónulega þjónustu.

Verkstæðið þjónustar ekki eingöngu skartgripi frá BY•L heldur einnig aðra skartgripi úr eðalmálmum.

Skoða þjónustu gullsmíðaverkstæðisins

Hjá BY•L starfar frábært starfsfólk og metnaður allra er mikill. Við leggjum mikið upp úr góðri upplifun viðskiptavina þar sem við reynum að veita faglega og persónulega þjónustu í hvívetna. Það er upplifun að koma í búðina okkar þar sem við tökum vel á móti þér í hlýlegu umhverfi.

Afgreiðsla

Bryndís, Guðný, Helena, Karen og María

s. 792 8282 / byl@byl.is

Framkvæmdastjóri & skrifstofa

Þorsteinn Eyfjörð / thorsteinn@byl.is

Gullsmiðir

Lovísa Olesen / lovisa@byl.is

Páll Sveinsson

Markaðs- & vefstjóri

Vera Dögg Höskuldsdóttir / vera@byl.is

Samfélagsmiðla- & verslunarstjóri

Alexandra Sif Nikulásdóttir / alesif@byl.is