HringastærðIN ÞÍN
Það er mjög algengt að fólk viti ekki hringastærðina sína, það er í rauninni bara undantekning ef fólk er með hana á hreinu þegar það verslar sér hringa hjá okkur, hvort sem það er í vefverslun eða í Silfursmáranum. Þegar fólk kemur í Silfursmárann getum við þá mælt fingurinn sem hringurinn á að fara á en þá getur þetta kannski flækst örlítið þegar verslað er á netinu.
Vissulega þarf samt engar áhyggjur að hafa þar sem það fylgir alltaf með minnkun eða stækkun á hringum sem eru keyptir hjá okkur!
Það er þó nokkuð auðvelt að finna rétta hringastærð heima fyrir en það eru tvær leiðir sem við mælum með ef þú kemst ekki til okkar í mælingu.
AÐFERÐ 1 - Mældu hring sem þú átt
1. Finndu hring sem passar vel á þann fingur sem þú vilt mæla.
2. Mældu innra þvermál hringsins í millimetrum (mm).
3. Finndu samsvarandi stærð í töflunni hér að neðan.
Aðferð 2 – Mældu fingurinn þinn
1. Klipptu mjóan pappírsstrimil eða notaðu þunna snúru/band.
2. Vefðu henni lauslega um fingurinn þar sem hringurinn mun sitja.
3. Merktu punktinn þar sem endarnir mætast.
4. Mældu lengdina í mm.
5. Finndu samsvarandi stærð í töflunni hér að neðan.
Við mælum svo með að mæla fingurinn frekar síðdegis, en fingurnir þrútna yfirleitt aðeins þegar líða tekur á daginn & þá færðu raunhæfari stærð.
STÆRÐARTAFLA
Þessi tafla sýnir samsvörun milli No.-stærða, evrópskra/íslenskra stærða, þvermáls og ummáls í millimetrum, sem og bandarískra stærða (US).
MEIRA SKEMMTILEGT
Demantar
Náttúrulegir demantar myndast úr hreinu kolefni við mikinn hita og þrýsting djúpt undir yfirborði jarðar. Í dag eru bæði náttúrulegir demantar og demantar ræktaðir í rannsóknarstofum í boði; báðir eru úr hreinu kolefni og hafa sömu eðliseiginleika. Það sem helst aðgreinir þá er uppruni og verð.
Páll Sveinsson gullsmíðameistari gengur til liðs við BY•L
„Ég hlakka til að taka þátt í þessari spennandi vegferð hjá BY•L. Mér finnst ánægjulegt að geta miðlað af reynslu minni á þessu sviði og verið hluti af flottu teymi gullsmiða sem þar er fyrir. Sérhæfing mín liggur í viðgerðum og sérsmíði, ekki síst gull- og demantsskartgripum, það verður því aukin áhersla á slíka þjónustu hjá BY•L. Síðast en ekki síst þá hlakka ég til að vinna með teymi sem leggur þetta mikla áherslu á gæði, frumleika og þjónustu,“ - Páll Sveinsson gullsmíðameistari.
Hringastærðir
Það er mjög algengt að fólk viti ekki hringastærðina sína, það er í rauninni bara undantekning ef fólk er með hana á hreinu þegar það verslar sér hringa hjá okkur, hvort sem það er í vefverslun eða í Silfursmáranum. Það er þó nokkuð auðvelt að finna rétta hringastærð heima fyrir en það eru tvær leiðir sem við mælum með ef þú kemst ekki til okkar í mælingu.
