Í þessum bransa eru jólin háannatími. 

Jólaundirbúiningurinn hefst því snemma á heimilinu með piparkökubakstri, jólagjafainnpökkun og óhóflegri malt & appelsíndrykkju okkar mæðgna. Þegar stelpurnar okkar voru yngri var ég með bullandi mömmusamviskubit að vinna svona mikið og að geta ekki verið með þeim í kózy jólaundirbúning.

Mjög eftirminnilegt … þegar eldri mín rétt 5 ára sagði… “ mamma mín þetta eru líka jólin fyrir okkur eins og þér” - Ég grenjaði í koddan þessa nótt en við hlægjum mikið af þessu svona eftir á.

Í dag eru þær að vinna með okkur í jólatörninni svo þetta er í raun okkar alvöru fjölskyldu jólastemmning, öll saman í eldfimu ástandi korter í jól.