Umhirða skartgripa

Umhirðu má skipta niður eftir því hvort skartgripurinn er úr gulli eða silfri

— nú eða gylltu silfri. 

GULL

Gullskartgripi (14kt gull +) má fara með í sund og sturtu án þess að falli á þá. En það er margt annað sem hefur áhrif, td húðfita. Ef þú ert mikið með skartgripinn þinn kemur á hann fita sem hægt er að þrífa af með sápuvatni, mjúkum bursta, hreinsiefnum og klútum - einnig getur gull dökknað aðeins í vatninu okkar hér á íslandi. 

SILFUR

Silfurskartgripi, rhodium og gyllt skart mælum við alltaf með að taka af sér fyrir svefn, sund, rækt og gufu. Einnig er mikilvægt að bera á sig ilmvatn, krem og olíur áður en þú setur skartgipi á þig. 

Gylling á silfurskartgripum er húð, þó svo að húðin sé þykk og fín er húð alltaf húð og dugir ekki að eilífu. Gylling á hringum er húð og ekki allir átta sig á að taka þarf hringinn af fyrir handþvott ef gyllingin á að duga sem lengst. 

Einnig skal geyma gyllta skartgripi í lokuðum kassa og alls ekki á skartgripahengi inn á baðherbergi - þá er hann fljótur að oxast. Einnig getur sýrustig í húð (PH-gildi) haft áhrif á gylllingu. 

Þegar falla fer á gyllingu eða gylling fer að eyðast hafið þá í huga að skartgripi úr eðalmálmum (líkt og allir skartgripir frá okkur) er hægt að gylla aftur – og það er eðlileg umhirða að þurfa að gylla húðaðan skartgrip aftur - hvenær og hversu oft fer alveg eftir notkun. 

Einnig skal hafa í huga að það fellur á silfur hér á landi og silfrið verður svart, einnig silfur undir gyllingu. 

EÐALSTEINAR & PERLUR

Hárlakk og ilmvatn er eitthvað sem ætti að halda frá eðalsteinum og perlum – perlur eru sérstaklega viðkvæmar fyrir þessum efnum - áferðin verður mött.

Eðalsteinar eru mis viðkvæmir - en ekki hika við að spyrja starfsfólk BY L.